Blog ပြန်ရေးမယ်?

Blog မရေးဖြစ်တာ ၂၀၀၇ နှစ်ကုန်ကတည်းကပဲ။ အခုဆိုရင် ၅ နှစ် ရှိသွားပြီ။ ဒီ ၅ နှစ်အတွင်းမှာ တော်တော်ပြောင်းသွားတယ်။ မြန်မာပြည်က အင်တာနက်လဲ ပိတ်တာဆို့တာတွေ မရှိသလောက်ဖြစ်သွားပြီ။ အင်တာနက်ကတော့ နှေးနေသေးတာပေါ့နော်။ ဒါပေမယ့် အခုဆိုရင် တော်တော် ဈေးပေါပေါနဲ့ သုံးလို့ရတယ်။ တမိနစ်ကို ၂ ကျပ်လား ၄ကျပ်လားပဲ။ မဆိုးပါဘူး။

ဘလော့ဂ်မရေးဖြစ်တော့တာကတော့ ကျွန်တော် မအားလို့ဗျ။ bloggerlay.iblogger.org လဲ ပျက်သွားပြီ။  အင်းလေ... ၅ နှစ်တောင် ဘာမှ မရေးပဲ မလုပ်ပဲ ထားတာကိုး။ မပိတ်ပဲ ခံနိုင်ရိုးလား။ bloggerlay.co.cc လဲ ပျက်သွားပြီ။ တော်သေးတယ် blogspot မှာ ရေးထားခဲ့ဖူးတဲ့ စာတွေကတော့ မပျက်သေးလို့။ wordpress နဲ့ မရေးတော့ဘူးဗျာ။ blogger နဲ့ ပဲ ပြန်ရေးတော့မယ်။ လူက နည်းနည်း အပျင်းထူနေတယ်။

အခုနောက်ပိုင်း blog ကနေ သတင်းဖတ်တဲ့ စတိုင်က နဲနဲ ခေတ်အောက်သလိုဖြစ်လာပြီဗျ။ facebook တို့ flipboard တို့ Google Current တို့ ဖြစ်ကုန်ပြီ။ ဒီ ၅ နှစ်အတွင်း ကျွန်တော် မရေးဖြစ်လိုက်တဲ့ ကိစ္စတွေ တော်တော်များတယ်။ လူတွေကလဲ facebook ကနေပဲ သတင်းတွေ ဖတ်ကြတော့တယ်။ အင်းလေ... မြန်မာသတင်းစာတွေ တော်တော်များများ facebook ကနေ တင်နေကြတဲ့ ခေတ်ကိုး။

အခုတော့ ဘလော့ဂ်နဲနဲ ပြန်ရေးကြည့်မလားလို့။ အရင်က ဘလော့ရေးတဲ့ လူဟောင်းတွေလဲ မရေးကြတော့ဘူးဗျ။ အရင်က မတရား အရေးသွက်တဲ့ ဘလော့ဂါတွေ အခု မရေးကြတော့ဘူး။ ဘယ်ပျောက်ကုန်လဲ မသိဘူး။

အချိန်ရရင်တော့ အရင်ကလုပ်ခဲ့သလို theme လေးတွေ ပြန်ပြောင်းလိုက်ဦးမယ်။ Navigation Column ကို ပြန် update လုပ်ရဦးမယ်။

Comments

Popular Posts